Resibo at printer

Pagkapindot ng Complete sale, lalabas ang resibo. Pumili kung paano ito ibibigay sa customer:

I-save at i-share

Larawan ng resibo na naise-save sa phone at puwedeng i-send.

Print via Bluetooth

Diretsong print sa thermal printer (Android o computer na may Chrome).

Print via RawBT

Para sa Android kung hindi lumalabas ang printer sa Bluetooth list.

Copy as text

Kopyahin at i-paste sa Messenger o SMS.

• Pindutin ang I-save at i-share ang resibo.
• Android: nase-save ito sa Downloads o Gallery, tapos lalabas ang share menu. Piliin ang Messenger, Viber, SMS o Bluetooth.
• iPhone: lalabas ang share menu. Piliin ang Save Image para sa Photos, o ang app na pagse-sendan. Kung lumabas ang larawan sa screen, i-long-press ito at piliin ang Save to Photos.
• Walang printer? Ito ang pinakamadali. May kopya ang customer at may kopya ka rin.

• Hanapin ang 58mm Bluetooth thermal printer (ESC/POS). Mas maliit at mas mura; sakto sa karamihan ng tindahan. May 80mm din kung mas malapad na resibo ang gusto.
• Para gumana ang Print via Bluetooth, dapat may BLE ang printer (Bluetooth 4.0 / Bluetooth Low Energy o dual mode). Tingnan ito sa product details o itanong sa seller. Kung walang BLE, gagana pa rin sa Android gamit ang RawBT.
• Bumili rin ng thermal paper roll na kasya sa printer (ex. 57mm o 58mm ang lapad). Walang tinta ang kailangan.
• Gumagana ito sa Android at computer na may Chrome. Hindi kaya ng iPhone ang diretsong Bluetooth print mula sa browser; sa iPhone, i-save o i-send na lang ang resibo.

Mungkahing printer: PT-21058mm Bluetooth thermal printer (GOOJPRT o Officom PT-210). Tingnan sa listing kung ano ang kasama, gaya ng cover o papel.

Affiliate links ang mga ito: kapag bumili ka gamit ang link, may maliit na komisyon ang NegosyoKit at walang dagdag sa presyo mo. Napupunta ito sa gastos ng server para manatiling libre ang app.

1. I-on ang printer at ilapit sa phone o tablet. Hindi na kailangang i-pair sa Bluetooth settings.
2. Sa Settings, pindutin ang Connect Bluetooth printer at piliin ang printer sa listahan.
3. Pindutin ang Print test receipt para masubukan.
4. Gusto ng awtomatiko? I-check ang Print automatically after each sale.
5. Sa Paper width (Business & receipt), piliin ang 58 mm o 80 mm ayon sa printer mo.

• Siguraduhing naka-on ang Bluetooth ng phone at bukas ang app sa Chrome. Payagan ang Bluetooth o Nearby devices kapag nagtanong ang phone.
• Hindi pa rin lumalabas sa listahan? Baka walang BLE ang printer. Gamitin ang RawBT sa ibaba.
• Sa Android, i-install ang libreng RawBT app mula sa Play Store. Piliin doon ang printer nang isang beses, tapos gamitin ang Print via RawBT sa resibo.
• Malabo o blangko ang print? Baliktad ang papel. Ang makintab na side ang dapat nakaharap sa print head.

Nakasulat sa ibaba ng resibo ang This is not an official receipt. Para ito sa customer at sa sarili mong record. Kung kailangan ng Official Receipt o invoice na rehistrado sa BIR, gamitin pa rin ang resibong rehistrado mo sa BIR.